1 by two: Movie review
മണിച്ചിത്രത്താഴില്‍ ശോഭന അനശ്വരയാക്കിയ കഥാപാത്രത്തിലൂടെയാണ് Multiple personality എന്ന psychological disorder -നെപ്പറ്റി മലയാളികള്‍ ശ്രദ്ദിക്കുന്നത്. ഗംഗയില്‍ നിന്നും നാഗവല്ലിയിലേക്കുള്ള പരിവര്‍ത്തനത്തിലെ അവരുടെ ഭാവാഭിനയങ്ങള്‍ ഇന്നും പ്രേക്ഷ്കരുടെ മനസ്സില്‍ മായാതെ നില്‍ക്കുന്നു. അരുണ്‍ കുമാര്‍ അരവിന്ദിന്റെ 1 by two- വും മണിച്ചിത്രത്താഴും തമ്മില്‍ പ്രത്യക്ഷത്തില്‍ യാതൊരു ബന്ധമില്ലെങ്കിലും മനുഷ്യന്റെ മനോവ്യാപാരങ്ങളിലേക്ക് ഇറങ്ങിച്ചെന്ന് മനുഷ്യ മനസ്സുകളുടെ മാനസികാവസ്ഥയുടെ വ്യത്യസ്ഥ തലങ്ങളിലൂടെ സഞ്ചരിക്കുന്ന ചിത്രങ്ങളാണ് ഇത് രണ്ടും. Multiple personality പ്രമേയമായി നിരവധി ഭാഷകളില്‍ നിരവധി ചിത്രങ്ങള്‍ വന്നിട്ടുള്ളത് കൊണ്ട് തന്നെ 1 by two -ന്റെ കഥ പുതുമയുള്ളതെന്ന് പറയാനാവില്ലെങ്കിലും ഈ ചിത്രം വ്യത്യസ്ഥവും ഒരു പക്ഷേ വിചിത്രവുമായ ഒരു കഥ തന്നെയാണ് കൈകാര്യം ചെയ്യുന്നത്.
ഹരി, രവി എന്നീ പേരുകളില്‍ മുരളി ഗോപി അവതരിപ്പിക്കുന്ന ഇരട്ട സഹോധരന്മാരില്‍ ഒരാള്‍ അപകടത്തില്‍ മരണപ്പെടുമ്പോള്‍ മരണപ്പെട്ട ആളിന്റെ വ്യക്തിത്വം ജീവിച്ചിരിക്കുന്ന ഇരട്ട സഹോധരന്‍ ആവാഹിച്ചെടുക്കുന്ന രീതിയിലുള്ള ഒരു തരം psycho thriller ആണ് 1 by two പ്രതിപാധിക്കുന്നത്. മരണപ്പെട്ടെന്ന് ചിത്രത്തിലെ മറ്റു കഥാപാത്രങ്ങള്‍ വിശ്വസിക്കുന്ന ഹരി എന്ന ഡോക്ടറുടെ വ്യക്തിത്വവും ,പെരുമാറ്റവൂം, ചിന്തകളും, ഓര്‍മ്മകളും എല്ലാം രവി എന്ന ഇരട്ട സഹോധരനിലേക്ക് പര്യവേശപ്പെടുന്പോള്‍ ഡോക്ടറല്ലാത്ത രവി വിജയകരമായി ഒരു സര്‍ജറി വരെ നടത്തുന്ന തലത്തില്‍ ഗൗരവമായി ഈ psychological disorder രവിയില്‍ സ്വാധീനം ചൊലുത്തിയിരിക്കുന്നത് കാണാം. ചിത്രം കാണുന്ന പ്രേക്ഷകര്‍ക്കുണ്ടാകുന്ന അതേ സംശയങ്ങള്‍ തന്നെയാണ് ഈ കേസ് അന്വേഷിക്കുന്ന യൂസഫലിക്കും (ഫഹദ് ഫാസില്‍) ഉള്ളത്. എന്നാല്‍ രവിയുടെ മാനസിക നിലയെ യൂസഫലിയില്‍ നിന്നും മറച്ച് പിടിക്കാന്‍ ശ്രമിക്കുന്ന ഡോക്ടർക്കും മാതപിതാക്കള്‍ക്കും മുന്നില്‍ ഈ അവസ്ഥയൂടെ ഭവിഷ്യത്തുകളെക്കുറിച്ച് ഗൌരവമായ ഓര്‍മ്മപ്പെടുത്തലുകളുമായി വരുന്നെങ്കിലും വ്യക്തമായ തെളിവുകളുടെ അഭാവം യൂസഫലിയെ പ്രതിസ്ന്ധിയിലാക്കുന്നു. എന്നാല്‍ കഥാഗതി പലവഴിയിലൂടെ സഞ്ചരിക്കുമ്പോ ള്‍ ഹരിയൂടെ കാമുകിയുടെ ( ഹണി റോസ്) സഹായത്തോടെ ഹോസ്പിറ്റ്ലില്‍ നടക്കുന്ന Drug test എന്ന illegal activity -യുടെചുരുളുകൾ അഴിയുമ്പോൾ ഹരി/രവി എന്ന ഇരട്ട സഹോധരന്മാരിലൊരാളുടെ ഇരട്ട വ്യക്തിത്വം ചില രഹസ്യങ്ങളുടെ ഇരുണ്ട അറയിലേക്ക് കയറിച്ചെല്ലാന്‍ സഹായകമാകും വിധമാണ് കഥ പുരോഗമികുന്നത്. ചിത്രത്തിന്റെ അവസാനം വരെ ഹരിയാണോ അതോ രവിയാണോ മരണപ്പെട്ടത് എന്ന സംശയം പ്രേക്ഷകരില്‍ നിലനി‍ര്‍ത്താനായതാണ് ജയമോഹന്റെ തിരക്കഥയുടെ ചൂണ്ടിക്കാണിക്കാവുന്ന plus point . ഒഴിമുറി പോലെയുള്ള മികച്ച ചിത്രങ്ങളുടെ രചയിതാവില്‍ നിന്നും ഇതിലും ഭേദപ്പെട്ട ഒരു തിരക്കഥ പ്രേക്ഷകര്‍ പ്രതീക്ഷിച്ചെങ്കിലും1 by two- ലൂടെ അവരുടെ പ്രതീക്ഷക്കൊത്തുയരാൻ ജയമോഹനായില്ല.
ഗ്രിഫിത്തിന്റെ intolerance എന്ന ചിത്രത്തിലായിരുന്നു inter cut എന്ന ചിത്രസംയോജനവിധ്യ ആധ്യമായി ഉപയോഗപ്പെടുത്തിയത്. ചിത്രസംയോജനത്തില്‍ നിന്നും സംവിധാന രംഗത്തേക്ക് കടന്നു വന്നത് കൊണ്ടു തന്നെയാകാം അരുണ്‍ കുമാര്‍ അരവിന്ദ് 1 by two -ല്‍inter cut വളരെ സമര്‍ഥമായി ഉപയോഗിച്ചിരിക്കുന്നു. ചിത്രത്തിന്റെ തുടക്കത്തിലൂമ് ക്ലൈമാക്സിലുമെല്ലാം inter cut-ന്റെ സാധ്യത ഉപയോഗപ്പെടുത്തുക വഴി സീനുകള്‍ക്ക് പുതിയ അര്‍ത്ഥതലം സൃഷ്ടിക്കാന്‍ ഏഡി റ്റര്‍ കൂടിയായ സംവിധായകനു സാധിച്ചിരിക്കുന്നു. അത് കൊണ്ട് തന്നെ അരുണ്‍കുമാരിന്റെ സംവിധാന പാഠവത്തേക്കാള്‍ ചിത്രത്തില്‍ മികച്ച് നില്‍ക്കുന്നത് എഡിറ്റിംഗ് തന്നെയാണ്.
ചിത്രത്തിലെ ഗാനങ്ങളേക്കാള്‍ മികച്ച് നിന്നത് പശ്ചാതല സ്ംഗീതമാണ്. പല രംഗങ്ങളെയും പ്രത്യേകിച്ച് ക്ളൈമാക്സിലെ രംഗങ്ങളെ കൊഴുപ്പിക്കാനും അവക്ക് ഗൗരവമായ അര്‍ത്ഥതലം സൃഷ്ടിക്കാനും പശ്ചാത്തല സംഗീതത്തിനായി. ചിത്രത്തിന്റെ ഛായാഗ്രഹണത്തില്‍ എടുത്തു പറയേണ്ട മനോഹാരിതയൊന്നും ദൃശ്യമായില്ല. വ്യത്യസ്തമായ ഒരു കഥയെ അവതരിപ്പിക്കാന്‍ ഉപയോഗിച്ച ട്രീറ്റ്മെന്റില്‍ സംവിധായകന് ചില പാകപ്പിഴകള്‍ വന്നിട്ടുണ്ടെന്ന് പറയാതിരിക്കാനാവില്ല. ചിത്രത്തെ ഒരേ സമയം കലാമൂല്യമുള്ലതും ജനപ്രിയവുമാക്കാന്‍ സംവിധായകനായില്ല. ചിത്രത്തിന്റെ മേക്കിംഗില്‍ ഒരു ശ്യാമപ്രസാദ് ടച്ച് വന്നത് യാദൃശ്ചികമെന്ന് വേണമെങ്കില്‍ പറയാം. ആദ്യപകുതിയില്‍ ചില സ്ഥലങ്ങളില്‍ ഇഴഞ്ഞ് നീങ്ങുന്നതും, രണ്ടാം പകുതിയില്‍ വന്ന ചില അപാകതകളും മാറ്റി നിര്‍ത്തിയാല്‍ ഒരു psycho thriller എന്ന നിലയില്‍ 1 by two ആസ്വാദ്യകരമായ ചിത്രം തന്നെയാണ്.
Leave a Comment